Додека молчиме, политичарите-криминалци немаат причина да менуваат ништо. Тие најчесто реагираат само кога чувствуваат притисок од јавноста. Затоа, не молчете и не се откажувајте. Не дозволувајте да ве убедат дека ништо не може да се промени.
Тие не одлучуваат кога е доста. Народот одлучува за тоа. Дадена им е доверба да работат во интерес на граѓаните, а не да бараат од граѓаните да бидат трпеливи додека проблемите траат.
Не наседнувајте на приказните на оние, на кои лично им е добро и кои се обидуваат да ве убедат дека на сите им е добро. Не ги слушајте ни оние кои лесно носат заклучоци и никогаш не бараат одговорност. Размислувајте сами. Не верувајте во ветувања, погледнете ги резултатите. Бидејќи ако на нас не ни биде подобро, не се тие виновни, туку вината е наша.
Не задоволувајте се со трошки. Не аплаудирајте за она што биле обврзани да го направат. Тоа не е услуга кон граѓаните, тоа е нивна работа.
Немојте да ги жалите нив. Никој не ги принудил да влезат во политиката. Тие самите барале доверба од граѓаните, позиции и одговорност. Затоа, нека ја сносат одговорноста.
И запомнете уште една работа, ниеден политичар не е над граѓаните. Тие не се наши господари, туку наши претставници. Тие не можат да одредат кога треба да молчиме, а кога треба да престанеме да бараме одговорност. Тоа право ни припаѓа нам. Додека има проблеми, нашиот глас ќе постои. И колку е посилен тој глас, толку е поголема шансата конечно да почнат да си ја работат својата работа. Колку повеќе не има, толку е потешко да се скрие вистината. Затоа, зборувајте слободно, размислувајте сами и не ја вртете главата од проблемите. Тишината никогаш не го променила општеството. А оние што ги бранат ќе се префрлат на наша страна, ќе мораат, бидејќи никој не се спротивставил на вистината.
Политичарите најмногу ги сакаат заспаните маси. Додека граѓаните молчат, политичарите се чувствуваат најудобно. Затоа, не им давајте таква привилегија. Дајте им прашања. Дајте им притисок. Нека чувствуваат секој ден дека граѓаните ги гледаат и бараат одговорност.
Не бидете публика, бидете граѓани. Бидејќи кога граѓаните молчат, политичарите се опуштаат. Кога граѓаните го креваат својот глас, политичарите почнуваат да работат.
ДЕМОКРАТИ секогаш се борат против политичари криминалци и манипуланти и за доброто на граѓаните и Македонија!
